Pēpi Tuarua

Kua mātua kē koe, me te mea hoki kua mōhio kē koe he aha ngā āhuatanga hei whakarite ake mō te whāngai, kuhu kākahu, whakarata, ā, me te whakamoe i a pēpi. Kātahi te manaaki i te wā e māuiui ana, kua mōiho koe he aha hei kawe mai te kainga. Ko te whakahoki mai te pepi hou, a, he hou anō ngā āhuatanga ka puea mai.

• Ka mahara ake koe ka tuku koe ia koe ki ngā hiahia a ngā tamariki, me te whakaaro ka pēhea tō whakahāere e rua ngā tamariki i tō whare me te torutoru o ngā haora o te rā kia koe. Ka tika tonu, he mahinga nui te whai wā mōu tonu me wō tamariki. Inā he tangata pai koe ki te pātai mō te paku āwhina (te whai kaitiaki pēpi) tērā ka tāea te wehe mai he rā whakatā mōu ake. Kia maumahara, ēhara noa koe i te mātua, he tangata anō koe me āu nei hiahia. Tiakina āu nei hiahia me te mea hoki he painga te tono mō te āwhina.

• Ka whakaaro ake koe ka pēhea tō aroha ki tētahi atu tamaiti ki te tamaiti nei. Nāu anō ēnei whakaaro. Kaua e māharahara mō tō tamaiti, ka whakawhānui ake te manawa me te te aroha mō te katoa.

• Ka whakaaro ake koe me pēhea te whakarite i te kōtiro, mena he tama tāu tamaiti tuatahi, ā, te whakareri mō te tama inā he kōtiro tāu tamaiti tuatahi. Ka eke anō ki tāu whakarite i te tuatahi, māu anō e wetewete.

• Inā kāore koe i hono pai ki tō tamaiti tuarua pērā ki tō tamaiti tuatahi, kaua e māharahara. Kei te taha koe i tō tamaiti tuatahi ia te wā kua roa kōrua e whakahono ana i a kōrua me te mea hoki kei te ako tonu kōrua kō tō pēpi hou ia kōrua anō.

• Kaua e whakaaro ka rite tonu tō pepi tuarau ki tō pepi tuatahi. He rerekē ia tamati. Tērā ka ohorere koe i te tino rerekē ō tō tamaiti tuarua ki tō tamaiti tuatahi, ā, ka koa anō koe i tō rāua ritenga.

• Ka māharahara ake koe mō tō tamaiti pakeke, ka pēhea ia i te taenga mai ō te pepi hou ki te whare. Tuatahi kāore rāua e tāea ki te whakakotahi ia rāua. Ahakoa i tērā, he rahi tonu āu nei whakatau i tō tamaiti tuatahi. Otirā, ko te oha, ko te tamaiti tuarua hei hoa tākaro, hei hoa mahi tahi kia pakeke noa rāua.

Ka whakaaro ake mehemea he tamati, tamariki, pakeke ake āu, he painga tonu ki te whakareri ia rātou mō te taenga mai ō te pepi hou ki te kainga i ngā marama mua rawa hei whakarite. Ko ētahi noa ō ngā tamariki ka ngakau nui mena he tama, he kōtiro rānei te pepi hou.

Ka mōhio ake ko tō tamaiti tuatahi (ahakoa he rerekē ōna tau) ka pūhaehae ia i te pepi hou. Ētahi wā ka kore e aro atu i te pepi. Ko ētahi atu o ngā tamariki ka pōhēhē, ka mīharo noa, ēhara tonu he mahara ake.

Ko te āhuatanga ō tō tamaiti ka noa nā ōna tau me tōna waihanga i taua rā!

Inā e rua ngā tau o tō tamaiti tuatahi, heke iho rānei

Ko tēnei mea te pēpi kāore tonu rātou i te mōhio, i te mārama he pēpi hou kei te kainga, ēngari i te wā e hapū ana koe:

• Kōrero atu ki a ia he pepe kei te tipu hāere ki roto i tō puku me te mea hoki kei te harikoa koe. Ko te whakapae ka koa anō rātou!

• Whakaatu i ētahi pukapuka, ka pānui atu mō te pepi hou i roto i te pukapuka

• Hoatu he perehana mai te pēpi hou ki tō tamaiti i te taenga atu ki te kainga.

Ka tae ake te pepe hou ki te kainga kua tipu te puhaehae - “He aha a mama e pupuri nei i tērā pēpi?” Ko te nuinga o te wā ko te tamaiti tuatahi te aro o te nuinga he tika ano, ana i tenei wā kua tauriteritetia he wā ki tō taha kia aro atu koe kia ia hoki.

He uaua tonu mena ka huri tō tamaiti ki te rua tau ka whānau mai te pepi hou. Ka kii ake he uaua i te whakarite i te tamaiti e rua ōna tau me ōna kare-ā-roto, whakatawhiti, tukutake tuaatu i te manaaki te pēpi hou. Kaua e mahara ake. Ko ngā tamariki koia nei ngā tau, he tere tā rātou huri ake ki te tākaro me te pēpi hou. Hei whakarite ake me tīmata ngā kōrero mō ngā tikanga me ngā ture o te kainga. “I tēnei kainga kāore he patupatu…I te kainga kia pai te kōrerorero”.

Ko te tōhenga mo ngā matua kia kaua e poipoi i tō tamaiti i ngā aukatinga me ngā whakaweti. Ko ngā akoako me te mahitahi, koia nei ka mō`hio te tamariki, ka tipu hoki te māramatanga i te wā e pakeke ana.

Pepi me te pepe hou

Ko tō pepi kei te aro tonu kia koe engari kaore i te pirangi ki te aro atu koe ki tetahi atu. Ka āhua ngoikore ake ia i te pēpi hou. He painga tonu me:

• Whakaatu i tētahi pukapuka ka pānui atu e kikii ana i ngā pikitia o tētahi pēpi hou kei roto.

• Ka whakarite he wā e hāere tahi ana korua ko pepi ki te hokohoko, ka Wātea, ka whakaatu he pikita ō rātou, kātahi ka hoko he tāre māna tonu hei tiaki, hei whakawai tēnei āhuatanga i a ia.

• Kia pono ngā whakamārama i te wā ka tangitangi te pēpi hou. Otirā ka whakapau wā koe i te taha ō pepe ahakoa i tērā e aroha motuhake tonu ana koe ki tō tamaiti whakahirahira.

• Kia kaha ki te whakarite ētahi āhutanga i mua rawa te taenga mai o te pēpi hou. Ko ngā kaupapa whakaritenga ko te ako ki te hāere ki te wharepaku, ako ki te moe i te moenga nui, ā, ka tatari ake kia tau te pēpi hou.

• Kōrero atu ko wai kei te manaaki ia rātou i te wā kei te whakawhānau koe.

• Kōrero atu he perehana tā te pēpi hou mā te pepi i tānā taenga atu ki te kainga

I ētahi wā he pai tonu ki te whakatarunga kia kawea te tūranga ō Māmā, ō Pāpā rānei hei āwhina ia rāua. He painga tonu tēnei kia mana tonu ia i te whānau, he pai ake tēnei whakaritenga.

Tērā pea ka waimaria koe he pēpi mārama i ngā nekehanga, ka māmā noa tōnā mana hei tungane, tuahine rānei.

Ko ngā tamariki kua hāere ki te kura kāore he māharahara kia rātou te pēpi hou ahakoa ka whakaeketia e te ngoikoretanga i te taha o pēpi hou.

• Kōrero atu ki tō tamaiti kei te hapu koe i te wā ka kōrero koe ki ngā hoa. Ka pīrangi rātou ki te rongo ake mai i a koe tuatahi kia kaua mai tētahi atu.

• Whakatau atu he aha ngā āhuatanga i te taenga mai ō pēpi hou. Kōrero atu ka pau tō hau mai te pēpi hou, ka riro i te pēpi hou te nuinga o te wā kia ia. Ko ngā mahi ka oti ia pēpi he kai, he moe, he mimi, he tiko me te tangi. Ko te whakaaro nui kāre e roa tēnei āhutanga o pēpi. Ka pakeke hāere ia, ka tāea te tākaro ki te taha ō tōna tungane, tuahine rānei.

• Titiro ki ngā pikitia me ngā kiriata e pā ana ki te whakawhānau pepi. Kōrero atu mō rātou e pēpi ana. He aha ngā kupu tuatahi ka kōrero ia. He aha hoki ngā tūmomo pīrangi e hiahia ana i te wā e pēpi tonu ana. He aha āna kupu tuatahi. Kōrero atu ki a ia i te wā i whānau mai ia tino rikarika katoa rātou i tō taenga mai. Pīrangi te katoa ki te kite ia koe.

• Pānui pukapuka mō te hapūtanga mo ngā pepī hou, me ngā pēpi pakeke me tāu ake tamaiti. Hoatu he wā kia tāea e rātou te tuku pātai, ka whai wā ki te kōrero mō ngā pāpouri i whakaekehia kia rātou mai aua pukapuka.

• I te taenga mai o pēpi hou kia kaha koe. He wā tēnei mō te whānau. Otirā, ko koe anō tuatahi. Me manaaki pai koe i a koe anō. Ko āu kaupapa anō he mea nui nā reira kia kaha koe ki te whakarite ia koe ano. Whakaritea he rā kia tāea e koe te whai tō hā me te tuku he wai kaukau mōu, ka hāere ki waho noho paingainga i te rā mo te 5 mēneti. Tukua tō tinana kia tāea te kukume i ngā uaua o te tinana hei whakawai i tō kaha.

• Kia maumahara, kāore e roa ka hipa tēnei. He ngawari noa ēnei whainga ki ngā tamariki pakeke me te mea hoki ka pērā anō koe. Mā te wā.